banner ad
August 17, 2012 By അയൂബ് റഹ്മാന്‍ 0 Comments

ചിത്രങ്ങളിലെ ഇമാം അലി

artറമളാനില്‍ തെഹ്‌റാനില്‍ നടന്നുവന്ന ഇമാം അലിയുടെ ചിത്രപ്രദര്‍ശനം ശ്രദ്ധേയമായ സംരംഭമെന്ന നിലയില്‍ വാര്‍ത്താമാധ്യമങ്ങളില്‍ ഇടം നേടി. നൂറുകണക്കിന് ആളുകളാണ് പ്രദര്‍ശനം കാണാന്‍ ദിവസവും എത്തുന്നത്. വിവിധ കാലഘട്ടങ്ങളില്‍ വരക്കപ്പെട്ട ഇമാം അലിയുടെ 32ഓളം ചിത്രങ്ങളാണ് പ്രദര്‍ശിപ്പിക്കപ്പെടുന്നത്. ശിയാ മുസ്‌ലിംകള്‍ക്ക് പ്രവാചകന്‍ മുഹമ്മദ് കഴിഞ്ഞാല്‍ ഏറ്റവും ആദരണീയനും പ്രമുഖനുമായ വ്യക്തിയാണ് അലി. ആഗോളസുന്നി മുസ് ലിംകള്‍ക്ക് വിപരീതമായി ഇസ്‌ലാമിന്റെ ഒന്നാമത്തെ ഖലീഫയായി ശിയാ മുസ്‌ലിംകള്‍ അലിയെ കാണുന്നു. പ്രദര്‍ശനത്തിലുള്ള ചിത്രങ്ങളധികവും ഓറിയന്റല്‍ ഹിസ്റ്ററി ആന്റ് സിവിലൈസേഷന്‍ മ്യൂസിയത്തില്‍ നിന്നും വാടകക്കെടുത്തതാണ്. 32 ചിത്രങ്ങളില്‍ പലതും നൂറു വര്‍ഷത്തോളം പഴക്കമുള്ളതാണ്. പന്ത്രണ്ടോളം എണ്ണം ഇറാനിലെ സമകാലിക ചിത്രകാരന്‍മാരായ ഇനായത്തുല്ല നസാറി, ഹുജ്ജത് ശാഖിബ, ബെഹ്നസ് ഫൊറുതാന്‍ തുടങ്ങിയവര്‍ വരച്ചതാണ്. പെയിന്റിംഗുകളിലധികവും 1865ല്‍ ഇറാനില്‍ അവതരിപ്പിക്കപ്പെട്ട പ്രാഗ്ന മാതൃകയിലുള്ളതാണ്.

ഇമാം അലിയെ വരച്ചിട്ടുള്ള പെയിന്റിംഗുകള്‍ ഖജര്‍ കാലഘട്ടത്തോളം പഴക്കമുള്ളതാണ്. ഇതിനു ശേഷം മുഹമ്മദ് മുദബര്‍ , ഹുസൈന്‍ അകാസി തുടങ്ങിയ ടീ ഹൗസ് ചിത്രകലയുടെ ഉപജ്ഞാതാക്കളും പ്രവാചകന്റെ കസിനായ അലിയെ വരച്ചിട്ടുണ്ട്. ഈ കാലത്ത് അലി ശിയാക്കളുടെ മുഖ്യ ഹീറോ കഥാപാത്രമായിട്ടാണ് ചിത്രീകരിക്കപ്പെട്ടത്. വെളുത്ത കുതിരപ്പുറത്ത് അസാധാരണമായ അദ്ദേഹത്തിന്റെ വാളുപയോഗിച്ചു യുദ്ധം ചെയ്തു വിജയിച്ചു നില്‍ക്കുന്ന നായകന്റെ ചിത്രങ്ങളായിരുന്നു ഇവയിലധികവും. പിന്നീട് എങ്ങനെയോ വാള്‍ മടിയില്‍ വെച്ചിരിക്കുന്ന വിഷണ്ണനായ വ്യക്തിയായും അദ്ദേഹം വരക്കപ്പെടുകയായിരുന്നു. സമകാലിക സമയത്ത് അലിയെ ഐകണായി അവതരിപ്പിക്കുന്നതിന്റെ ഭാഗമായി അദ്ദേഹത്തിന്റെ ഇത്തരം ചിത്രങ്ങള്‍ വ്യാപകമായി പുനര്‍നിര്‍മിക്കപ്പെട്ടിട്ടുണ്ട്.

പ്രദര്‍ശനം റമദാന്‍ അവസാനം വരെ തുടരും. മുസ്‌ലിംകളുടെ വിശുദ്ധ മാസത്തെ ഒടുവിലത്തെ പത്തിലെ മഹത്തായ രാത്രികളില്‍ ഇവിടെ പ്രത്യേക പരിപാടികള്‍ നടക്കുന്നുണ്ട്.  ഇറാനിലെ പ്രമുഖമായ ആര്‍ട്ട് ഗാലറിയായ ഷൗക ഗാലറി വ്യത്യസ്തവും ശ്രദ്ധേയവുമായ വിവിധ പരിപാടികള്‍ നടത്തി വരുന്നുണ്ട്. ആയിരക്കണക്കിനാളുകള്‍ ഈ സംരംഭങ്ങളുടെ ഭാഗവാക്കാകുന്നു.

Posted in: കല

Post a Comment

സംഗീതം

അറബ് പ്രക്ഷോഭങ്ങളും റാപ്പ് സംഗീതവും

അറബ് പ്രക്ഷോഭങ്ങളും റാപ്പ് സംഗീതവും

ഹമ്മാദ ബിന്‍ ഉമറിന്റെ സംഗീത ജീവിതത്തെക്കുറിച്ച് അറബ് ലോകത്തുടനീളം ആഞ്ഞുവീശിയ നോര്‍ത്താഫ്രിക്കന്‍ വിപ്ലവഗാന തരംഗത്തിന് ചുക്കാന്‍ പിടിച്ച ആ ഗായകന് അന്ന് 21 വയസ്സായിരുന്നു പ്രായം. എല്‍ ജനറല്‍ എന്ന പേരിലാണ് റാപ്പ് ലോകത്തും, ആരാധകര്‍ക്കിടയിലും അവന്‍ അറിയപ്പെടുന്നത്. കാഴ്ച്ചയില്‍ പരുക്കനെന്ന് തോന്നുമെങ്കിലും സംസാരത്തില്‍ ആളു വളരെ മാന്യനാണ്. ബോംബര്‍ ജാക്കറ്റും, തുനീഷ്യന്‍ പതാകയും അണിഞ്ഞ് കാഞ്ചിയില്‍ വിരലമര്‍ത്തിയ ഒരു തോക്കുമായി നില്‍ക്കുന്ന രൂപത്തിലാണ് ഫേസ്ബുക്ക് പേജിലെ ഫോട്ടോകളില്‍ മിക്കവാറും പ്രത്യക്ഷപ്പെടാറ്. പക്ഷെ യഥാര്‍ത്ഥത്തില്‍, അവനുമായി അടുത്തിടപഴകിയാല്‍ […]

September 17, 2015 By ദര്‍വീശ്‌ 0 Comments
കോക്ക് സ്റ്റുഡിയോ ഇന്ത്യ: സൂഫീ താരാഘോഷം

കോക്ക് സ്റ്റുഡിയോ ഇന്ത്യ: സൂഫീ താരാഘോഷം

പ്രാദേശിക നാടന്‍ സംഗീതത്തെ പാരമ്പര്യപൗരസ്ത്യ സംഗീതത്തിന്റെയും പാശ്ചാത്യ സംഗീതത്തിന്റെയും മിശ്രിതത്തിലേക്ക് ഇഴചേര്‍ത്ത് കൊണ്ടുള്ള ഉപകരണങ്ങളുടെയും ആലാപനത്തിന്റെയും വൈവിധ്യമായ സംഗീതശാഖകളുടെ സംഗമമാണ് കോക്ക് സ്റ്റുഡിയോ. അത് നിലനില്‍ക്കുന്ന രാജ്യങ്ങളിലെ സാംസ്‌കാരിക  വൈവിധ്യങ്ങളിലേക്ക് ചേര്‍ന്നുനിന്ന്‌ സമാനതകളില്ലാത്ത വേറിട്ടൊരു ശബ്ദം സൃഷ്ടിച്ചെടുക്കാനാണ് കോക്ക് സ്റ്റുഡിയോ ആഗ്രഹിക്കുന്നത്. ദേശത്തിന്റെ സത്തയെ പുനരുദ്ധരിച്ചുകൊണ്ട് മനസ്സുകളെയും ഹൃദയങ്ങളേയും ഉണര്‍ത്തി ആനന്ദം പകരുന്ന ഒന്നാണത്. പാകിസ്ഥാനിലെ സാംസ്‌കാരികാപചയത്തിന്റെ കാലത്താണ് കോക്ക് സ്റ്റുഡിയോ ആവിര്‍ഭവിക്കുന്നത്. 2008 ജൂണ്‍ എട്ടിനാണ് അതിന്റെ ആദ്യ സീസണ്‍ ഒന്നാം എപ്പിസോഡ് അവതരിപ്പിക്കുന്നത്. യൂട്യൂബിലെ ഔദ്യോഗിക […]

October 24, 2014 By 0 Comments
കോക്ക് സ്റ്റൂഡിയോ പാക്കിസ്ഥാന്‍

കോക്ക് സ്റ്റൂഡിയോ പാക്കിസ്ഥാന്‍

നഗരങ്ങളില്‍ പരസ്യപ്പലകകളൊന്നുമില്ല. എന്നാല്‍ കഴിഞ്ഞ നാലുവര്‍ഷമായി ഓരോ കൊല്ലവും പാക്കിസ്ഥാന്റെ നഗരങ്ങളിലെ പരസ്യപ്പലകകളില്‍ കോക്ക് സ്റ്റുഡിയോയുടെ പുതിയ സീസണ്‍ വരുമ്പോള്‍ ആ സീസണില്‍ അവതരിപ്പിക്കുന്ന മുഖ്യകലാകാരന്‍മാരെ പരിചയപ്പെടുത്തുന്ന ആകര്‍ഷകമായ പരസ്യങ്ങള്‍ പ്രത്യക്ഷപ്പെടുന്നു. സീസണ്‍ 5 ന്റെ പരസ്യമാണ് പാക്കിസ്ഥാനിലെ ഏറ്റവും വലിയ പരസ്യം. പുതിയ സീസണിലെ ഒന്നാം എപ്പിസോഡിന്റെ പ്രമോഷനല്‍ വീഡിയോ വെച്ചു നോക്കുകയാണെങ്കില്‍ ഇത് തന്നെയാണ് മറ്റെല്ലാ എപ്പിസോഡിനേക്കാളും മികച്ചതെന്ന് തോന്നും. ഒന്നാമത്തെ എപ്പിസോഡിന്റെ വീഡിയോയില്‍ പ്രത്യക്ഷപ്പെട്ട കലാകാരന്‍ ഒരു റാപ്പര്‍ ആണ്; ബൊഹീമിയ. ഒരു […]

October 1, 2014 By ബിലാല്‍ തന്‍വീര്‍ 0 Comments
vps hosting