banner ad
January 2, 2015 By നവാസ് മച്ചിങ്ങല്‍ 0 Comments

2014 ലെ മികച്ച അഞ്ച് സിനിമകള്‍

Interstellar-Movie-Box-Office-Collections-Worldwide

Interstellar, Christopher Nolan

സൂപ്പര്‍ റിയലിസവുമായി അങ്ങേയറ്റം ബന്ധപ്പെട്ട് കിടക്കുന്ന പേരാണ് ക്രിസ്റ്റഫര്‍ നൊലാന്റെത്. സ്വപ്‌നങ്ങളെക്കുറിച്ച സിനിമയായ inception നോട് കൂടിയാണ് നൊലാന്റെ ജൈത്രയാത്ര തുടങ്ങുന്നത്. നൊലാന്റെ ആദ്യത്തെ സയന്‍സ് ഫിക്ഷന്‍ സിനിമയാണ് interstellar. ഭൂമിയും അതിലെ വിഭവങ്ങളുമെല്ലാം നശിച്ച് തുടങ്ങുമ്പോള്‍ കുറച്ച് പേര്‍ ചേര്‍ന്ന് മനുഷ്യരാശിയുടെ ഭാവിക്ക് വേണ്ടി നടത്തുന്ന യാത്രയാണ് interstellar.

The Prsident, Mohsen Makhmalbaf

 the_president_pic03c2a9bac_films_distributionമുഹ്‌സിന്‍ മക്മല്‍ബഫിന്റെ ആദ്യത്തെ ഇംഗ്ലീഷ് സിനിമയാണ് The President. ഏകാധിപത്യങ്ങളെക്കുറിച്ചും അതുണ്ടാക്കുന്ന വയലന്‍സിനെക്കുറിച്ചുമാണ് ഈ സിനിമ പറയുന്നത്. സ്ഥാനത്യാഗം ചെയ്യപ്പെട്ട ഏകാധിപധിയും അയാളുടെ പേരക്കുട്ടിയും വിപ്ലവത്തില്‍ നിന്നും രക്ഷപ്പെട്ട് നാടുവിടുന്നതിലൂടെയാണ് കഥ വികസിക്കുന്നത്.

 

Boyhood,  Richard Linklater

boyhood

മാസണ്‍ എന്ന് പേരുള്ള ഒരു കുട്ടിയുടെ കണ്ണിലൂടെ വളര്‍ച്ചയെ നോക്കിക്കാണുന്ന ഒരു സിനിമയാണിത്. മറ്റൊരു സിനിമയിലും ഇല്ലാത്ത വിധം കുട്ടികളുടെ ജീവിതത്തെ വളരെ മനോഹരമായി  ഇതില്‍ ആവിഷ്‌കരിച്ചിരിക്കുന്നു. പഴയ കാലത്തേക്കുള്ള നൊസ്റ്റാള്‍ജിക് ആയ ഒരു യാത്രയാണിത്. മാത്രമല്ല, കുട്ടികളോടുള്ള സമീപനത്തെക്കുറിച്ച വളരെ പോസിറ്റീവായ ആവിഷ്‌കാരവുമാണിത്.

 

 

Haider, Vishal Bharadwaj

Haider-Movie-Story-Review

ഷേക്‌സ്പിയറിന്റെ നാടകങ്ങള്‍ സിനിമയാക്കുന്നതില്‍ കഴിവ് തെളിയിച്ച ആളാണ് വിഷാല്‍ ഭരദ്വാജ്. അധികാരത്തിന്‌
കീഴില്‍ ഞെരിഞ്ഞമരുന്ന ഇന്ത്യക്കാരെക്കുറിച്ച സിനിമകളായിരുന്നു ഓംക്കാരയും മഖ്ബൂലും. ഒഥല്ലോവിന്റെയും മാക്ബത്തിന്റെയും സിനിമാവിഷ്‌കാരങ്ങളായിരുന്നു അവ. ഹാംലെറ്റിന്റെ സിനിമാവിഷ്‌കാരമാണ് ഹൈദര്‍. കാശ്മീരിലെ സംഘര്‍ഷങ്ങളെക്കുറിച്ച് ബിഷാറത്ത് പീര്‍ രചിച്ച Curfewed night എന്ന പുസ്തകത്തെയും ആസ്പദിച്ചാണ് ഈ സിനിമ നിര്‍മ്മിക്കപ്പെട്ടിരിക്കുന്നത്. 90 കളിലെ കശ്മീരിനെക്കുറിച്ചാണ് ഈ സിനിമ പറയുന്നത്.

 

 

 

Leviathan, Andrey Zvyagintsev

leviathan_titre-400x240

തര്‍ക്കോവ്‌സികി, ബെര്‍ഗ്മാന്‍, കെയ്‌സ്‌ലോവ്‌സ്‌കി, കുരസോവ, കയ്‌രോസ്തമി, ഗൊദാര്‍ദ് തുടങ്ങിയ പ്രതിഭകള്‍ ക്യാമറ കൊണ്ട് കാണിച്ച അത്ഭുതങ്ങള്‍ അവസാനിച്ചിട്ടില്ല എന്നതിന്റെ തെളിവായിരുന്നു ആന്‍ഡ്രി സ്യാഗിന്‍സ്റ്റെവ് സംവിധാനം ചെയ്ത Return എന്ന സിനിമ. തര്‍ക്കോവ്‌സ്‌കിയുടെ സ്വാധീനം അദ്ദേഹത്തിന്റെ സിനിമകളില്‍ കാണാമെങ്കിലും തന്റെ ക്രാഫ്റ്റിന്റെ ഒറിജിനാലിറ്റി നില നിര്‍ത്താന്‍ അദ്ദേഹത്തിന് സാധിച്ചിട്ടുണ്ട്. രാഷ്ട്രീയ ശക്തികള്‍ക്കിടയില്‍ കുടുങ്ങിയ മനുഷ്യരുടെ കഥകളാണ് അദ്ദേഹം പറയുന്നത്. ക്രിയാത്മകമായ ഒരു രാഷ്ട്രീയ തീരുമാനമെടുക്കാന്‍ നിര്‍ബന്ധിതനായ ഒരു ഫിഷര്‍മാന്റെ ജീവിതമാണ് ഈ സിനിമ പറയുന്നത്.

Post a Comment

സംഗീതം

അറബ് പ്രക്ഷോഭങ്ങളും റാപ്പ് സംഗീതവും

അറബ് പ്രക്ഷോഭങ്ങളും റാപ്പ് സംഗീതവും

ഹമ്മാദ ബിന്‍ ഉമറിന്റെ സംഗീത ജീവിതത്തെക്കുറിച്ച് അറബ് ലോകത്തുടനീളം ആഞ്ഞുവീശിയ നോര്‍ത്താഫ്രിക്കന്‍ വിപ്ലവഗാന തരംഗത്തിന് ചുക്കാന്‍ പിടിച്ച ആ ഗായകന് അന്ന് 21 വയസ്സായിരുന്നു പ്രായം. എല്‍ ജനറല്‍ എന്ന പേരിലാണ് റാപ്പ് ലോകത്തും, ആരാധകര്‍ക്കിടയിലും അവന്‍ അറിയപ്പെടുന്നത്. കാഴ്ച്ചയില്‍ പരുക്കനെന്ന് തോന്നുമെങ്കിലും സംസാരത്തില്‍ ആളു വളരെ മാന്യനാണ്. ബോംബര്‍ ജാക്കറ്റും, തുനീഷ്യന്‍ പതാകയും അണിഞ്ഞ് കാഞ്ചിയില്‍ വിരലമര്‍ത്തിയ ഒരു തോക്കുമായി നില്‍ക്കുന്ന രൂപത്തിലാണ് ഫേസ്ബുക്ക് പേജിലെ ഫോട്ടോകളില്‍ മിക്കവാറും പ്രത്യക്ഷപ്പെടാറ്. പക്ഷെ യഥാര്‍ത്ഥത്തില്‍, അവനുമായി അടുത്തിടപഴകിയാല്‍ […]

September 17, 2015 By ദര്‍വീശ്‌ 0 Comments
കോക്ക് സ്റ്റുഡിയോ ഇന്ത്യ: സൂഫീ താരാഘോഷം

കോക്ക് സ്റ്റുഡിയോ ഇന്ത്യ: സൂഫീ താരാഘോഷം

പ്രാദേശിക നാടന്‍ സംഗീതത്തെ പാരമ്പര്യപൗരസ്ത്യ സംഗീതത്തിന്റെയും പാശ്ചാത്യ സംഗീതത്തിന്റെയും മിശ്രിതത്തിലേക്ക് ഇഴചേര്‍ത്ത് കൊണ്ടുള്ള ഉപകരണങ്ങളുടെയും ആലാപനത്തിന്റെയും വൈവിധ്യമായ സംഗീതശാഖകളുടെ സംഗമമാണ് കോക്ക് സ്റ്റുഡിയോ. അത് നിലനില്‍ക്കുന്ന രാജ്യങ്ങളിലെ സാംസ്‌കാരിക  വൈവിധ്യങ്ങളിലേക്ക് ചേര്‍ന്നുനിന്ന്‌ സമാനതകളില്ലാത്ത വേറിട്ടൊരു ശബ്ദം സൃഷ്ടിച്ചെടുക്കാനാണ് കോക്ക് സ്റ്റുഡിയോ ആഗ്രഹിക്കുന്നത്. ദേശത്തിന്റെ സത്തയെ പുനരുദ്ധരിച്ചുകൊണ്ട് മനസ്സുകളെയും ഹൃദയങ്ങളേയും ഉണര്‍ത്തി ആനന്ദം പകരുന്ന ഒന്നാണത്. പാകിസ്ഥാനിലെ സാംസ്‌കാരികാപചയത്തിന്റെ കാലത്താണ് കോക്ക് സ്റ്റുഡിയോ ആവിര്‍ഭവിക്കുന്നത്. 2008 ജൂണ്‍ എട്ടിനാണ് അതിന്റെ ആദ്യ സീസണ്‍ ഒന്നാം എപ്പിസോഡ് അവതരിപ്പിക്കുന്നത്. യൂട്യൂബിലെ ഔദ്യോഗിക […]

October 24, 2014 By 0 Comments
കോക്ക് സ്റ്റൂഡിയോ പാക്കിസ്ഥാന്‍

കോക്ക് സ്റ്റൂഡിയോ പാക്കിസ്ഥാന്‍

നഗരങ്ങളില്‍ പരസ്യപ്പലകകളൊന്നുമില്ല. എന്നാല്‍ കഴിഞ്ഞ നാലുവര്‍ഷമായി ഓരോ കൊല്ലവും പാക്കിസ്ഥാന്റെ നഗരങ്ങളിലെ പരസ്യപ്പലകകളില്‍ കോക്ക് സ്റ്റുഡിയോയുടെ പുതിയ സീസണ്‍ വരുമ്പോള്‍ ആ സീസണില്‍ അവതരിപ്പിക്കുന്ന മുഖ്യകലാകാരന്‍മാരെ പരിചയപ്പെടുത്തുന്ന ആകര്‍ഷകമായ പരസ്യങ്ങള്‍ പ്രത്യക്ഷപ്പെടുന്നു. സീസണ്‍ 5 ന്റെ പരസ്യമാണ് പാക്കിസ്ഥാനിലെ ഏറ്റവും വലിയ പരസ്യം. പുതിയ സീസണിലെ ഒന്നാം എപ്പിസോഡിന്റെ പ്രമോഷനല്‍ വീഡിയോ വെച്ചു നോക്കുകയാണെങ്കില്‍ ഇത് തന്നെയാണ് മറ്റെല്ലാ എപ്പിസോഡിനേക്കാളും മികച്ചതെന്ന് തോന്നും. ഒന്നാമത്തെ എപ്പിസോഡിന്റെ വീഡിയോയില്‍ പ്രത്യക്ഷപ്പെട്ട കലാകാരന്‍ ഒരു റാപ്പര്‍ ആണ്; ബൊഹീമിയ. ഒരു […]

October 1, 2014 By ബിലാല്‍ തന്‍വീര്‍ 0 Comments
vps hosting