banner ad
October 29, 2014 By അന്‍വര്‍ മുഹമ്മദ്‌ 0 Comments

ഹദിയ: അനശ്വര പ്രണയത്തിന്റെ സമ്മാനം

ഹദിയ എന്നാല്‍ സമ്മാനമെന്നര്‍ത്ഥം.

എല്ലാം നശിക്കുകയും നിന്റെ നാഥന്റെ മുഖം മാത്രം അവശേഷിക്കുകയും ചെയ്യും എന്ന ഖുര്‍ആന്‍ വചനത്തിലൂടെയാണ് ഹദിയ എന്ന മലയാള ഹ്രസ്വ സിനിമ ആരംഭിക്കുന്നത്. ചെറുകഥാകൃത്ത് ഷാജിഹനീഫിന്റെ വിടരാന്‍ കൊതിച്ചത് എന്ന കഥയില്‍ കെ. എസ് കൃഷ്ണദാസ് ഒരു സിനിമ കണ്ടെടുക്കുകയായിരുന്നു.
മുഖ്യധാരാസിനിമയില്‍ ആര്‍ട്ട് ഡിസൈനറായി പ്രവര്‍ത്തിക്കുന്ന ഇ്‌ദ്ദേഹത്തിന്റെ ആദ്യ ഷോര്‍ട്ട് ഫിലിമാണ് ഇത്. സ്വാഭാവികമായും ആര്‍ട്ട് ഡിസൈനിങ്ങിന്റെ മികവ് സിനിമയിലുടനീളം കാണാനുണ്ട്.

പുഴക്കടവില്‍വെച്ച് താന്‍ കണ്ട വ്യക്തിക്ക് തന്റെ ഉമ്മയോടുണ്ടായിരുന്ന പ്രണയബന്ധത്തിന്റെ നിഗൂഢതയില്‍ പൂത്തുലയുന്ന സ്‌നേഹത്തിന്റെയും ഗൃഹാതുരുത്വത്തിന്റെയും തെളിഞ്ഞ കാവ്യമാണ് സിനിമ. കുട്ടിക്കാലത്ത് ഉമ്മ ജിന്നിന്റെയും ആയിഷയുടെയും സ്‌നേഹത്തിന്റെ കഥ പറഞ്ഞുകൊടുക്കുന്ന വെവ്വേറെ ദൃശ്യത്തിന്റെ പശ്ചാത്തലത്തില്‍ ‘ഹസ്ബി റബ്ബി ജല്ലല്ലാഹ്…’ എന്ന താരാട്ടിന്റെ ഹമ്മിംഗും  അനശ്വരമായ പ്രണയത്തിന്റെ നന്മയും നിഷ്‌കളങ്കതയും തുളുമ്പുന്ന ‘ആമ്പല്‍മധു ഞാന്‍…’ (മെഹറിന്റെ രചന) എന്ന ഗാനവും അനുഭവഭേദ്യമാക്കുന്നുണ്ട്. ഉമ്മയുടെ കൈയില്‍ നിന്നും നിലത്തുവീഴുന്ന തസ്ബീഹ് മാലയുടെ കിലുക്കം കാതില്‍ എന്നും കേള്‍ക്കുന്ന ഓര്‍മ്മയാവുന്നു.

സിനിമയുടെ എഡിറ്റിങ്ങിലും സാങ്കേതികതയിലും ചില പരീക്ഷണങ്ങള്‍ നടത്തിയിട്ടുണ്ടെന്ന് വ്യക്തം. കെ. ശോഭന, അബു, കെ ഷാനവാസ്, രൂപ ലക്ഷ്മി തുടങ്ങിയവര്‍ അഭിനയിച്ചിരിക്കുന്നു. കണ്ണന്‍ പട്ടേരിയാണ് ക്യാമറ ചെയ്തിരിക്കുന്നു. സംഗീതം, ആലാപനം, സൗണ്ട് മിക്‌സിംഗ് എന്നിവ ഷമേജ് ശ്രീധറാണ് ചെയ്തിരിക്കുന്നത്.

Post a Comment

സംഗീതം

അറബ് പ്രക്ഷോഭങ്ങളും റാപ്പ് സംഗീതവും

അറബ് പ്രക്ഷോഭങ്ങളും റാപ്പ് സംഗീതവും

ഹമ്മാദ ബിന്‍ ഉമറിന്റെ സംഗീത ജീവിതത്തെക്കുറിച്ച് അറബ് ലോകത്തുടനീളം ആഞ്ഞുവീശിയ നോര്‍ത്താഫ്രിക്കന്‍ വിപ്ലവഗാന തരംഗത്തിന് ചുക്കാന്‍ പിടിച്ച ആ ഗായകന് അന്ന് 21 വയസ്സായിരുന്നു പ്രായം. എല്‍ ജനറല്‍ എന്ന പേരിലാണ് റാപ്പ് ലോകത്തും, ആരാധകര്‍ക്കിടയിലും അവന്‍ അറിയപ്പെടുന്നത്. കാഴ്ച്ചയില്‍ പരുക്കനെന്ന് തോന്നുമെങ്കിലും സംസാരത്തില്‍ ആളു വളരെ മാന്യനാണ്. ബോംബര്‍ ജാക്കറ്റും, തുനീഷ്യന്‍ പതാകയും അണിഞ്ഞ് കാഞ്ചിയില്‍ വിരലമര്‍ത്തിയ ഒരു തോക്കുമായി നില്‍ക്കുന്ന രൂപത്തിലാണ് ഫേസ്ബുക്ക് പേജിലെ ഫോട്ടോകളില്‍ മിക്കവാറും പ്രത്യക്ഷപ്പെടാറ്. പക്ഷെ യഥാര്‍ത്ഥത്തില്‍, അവനുമായി അടുത്തിടപഴകിയാല്‍ […]

September 17, 2015 By ദര്‍വീശ്‌ 0 Comments
കോക്ക് സ്റ്റുഡിയോ ഇന്ത്യ: സൂഫീ താരാഘോഷം

കോക്ക് സ്റ്റുഡിയോ ഇന്ത്യ: സൂഫീ താരാഘോഷം

പ്രാദേശിക നാടന്‍ സംഗീതത്തെ പാരമ്പര്യപൗരസ്ത്യ സംഗീതത്തിന്റെയും പാശ്ചാത്യ സംഗീതത്തിന്റെയും മിശ്രിതത്തിലേക്ക് ഇഴചേര്‍ത്ത് കൊണ്ടുള്ള ഉപകരണങ്ങളുടെയും ആലാപനത്തിന്റെയും വൈവിധ്യമായ സംഗീതശാഖകളുടെ സംഗമമാണ് കോക്ക് സ്റ്റുഡിയോ. അത് നിലനില്‍ക്കുന്ന രാജ്യങ്ങളിലെ സാംസ്‌കാരിക  വൈവിധ്യങ്ങളിലേക്ക് ചേര്‍ന്നുനിന്ന്‌ സമാനതകളില്ലാത്ത വേറിട്ടൊരു ശബ്ദം സൃഷ്ടിച്ചെടുക്കാനാണ് കോക്ക് സ്റ്റുഡിയോ ആഗ്രഹിക്കുന്നത്. ദേശത്തിന്റെ സത്തയെ പുനരുദ്ധരിച്ചുകൊണ്ട് മനസ്സുകളെയും ഹൃദയങ്ങളേയും ഉണര്‍ത്തി ആനന്ദം പകരുന്ന ഒന്നാണത്. പാകിസ്ഥാനിലെ സാംസ്‌കാരികാപചയത്തിന്റെ കാലത്താണ് കോക്ക് സ്റ്റുഡിയോ ആവിര്‍ഭവിക്കുന്നത്. 2008 ജൂണ്‍ എട്ടിനാണ് അതിന്റെ ആദ്യ സീസണ്‍ ഒന്നാം എപ്പിസോഡ് അവതരിപ്പിക്കുന്നത്. യൂട്യൂബിലെ ഔദ്യോഗിക […]

October 24, 2014 By 0 Comments
കോക്ക് സ്റ്റൂഡിയോ പാക്കിസ്ഥാന്‍

കോക്ക് സ്റ്റൂഡിയോ പാക്കിസ്ഥാന്‍

നഗരങ്ങളില്‍ പരസ്യപ്പലകകളൊന്നുമില്ല. എന്നാല്‍ കഴിഞ്ഞ നാലുവര്‍ഷമായി ഓരോ കൊല്ലവും പാക്കിസ്ഥാന്റെ നഗരങ്ങളിലെ പരസ്യപ്പലകകളില്‍ കോക്ക് സ്റ്റുഡിയോയുടെ പുതിയ സീസണ്‍ വരുമ്പോള്‍ ആ സീസണില്‍ അവതരിപ്പിക്കുന്ന മുഖ്യകലാകാരന്‍മാരെ പരിചയപ്പെടുത്തുന്ന ആകര്‍ഷകമായ പരസ്യങ്ങള്‍ പ്രത്യക്ഷപ്പെടുന്നു. സീസണ്‍ 5 ന്റെ പരസ്യമാണ് പാക്കിസ്ഥാനിലെ ഏറ്റവും വലിയ പരസ്യം. പുതിയ സീസണിലെ ഒന്നാം എപ്പിസോഡിന്റെ പ്രമോഷനല്‍ വീഡിയോ വെച്ചു നോക്കുകയാണെങ്കില്‍ ഇത് തന്നെയാണ് മറ്റെല്ലാ എപ്പിസോഡിനേക്കാളും മികച്ചതെന്ന് തോന്നും. ഒന്നാമത്തെ എപ്പിസോഡിന്റെ വീഡിയോയില്‍ പ്രത്യക്ഷപ്പെട്ട കലാകാരന്‍ ഒരു റാപ്പര്‍ ആണ്; ബൊഹീമിയ. ഒരു […]

October 1, 2014 By ബിലാല്‍ തന്‍വീര്‍ 0 Comments
vps hosting