banner ad
August 17, 2012 By ഹസീന ഫാത്തിമ 0 Comments

നമുക്കൊന്നു ശ്രദ്ധിച്ചു കൂടെ?

depressionകിടപ്പിലായ തന്റെ പ്രിയപ്പെട്ടവള്‍ക്ക് ഗുരുതരമായ ശാരീരിക അസുഖങ്ങളൊന്നുമില്ലെന്ന് അയാള്‍ക്ക് മനസിലായി. അവളെ പരിശോധിച്ച ഡോക്ടര്‍മാര്‍ക്കും പ്രത്യേകിച്ചെന്തെങ്കിലും കണ്ടെത്താനായില്ല.  അവള്‍ വിധേയയായ വൈദ്യപരിശോധനകളിലൊന്നും അവളുടെ നിലയെ ന്യായീകരിക്കുന്ന ഒന്നും തെളിയിക്കപ്പെട്ടില്ല. ജെനറല്‍ മെഡിസിന്‍, ഓര്‍ത്തോപീഡിക്‌സ്, ന്യൂറോളജി എന്നിങ്ങനെ വ്യത്യസ്ത വിഭാഗങ്ങളിലെ ഡോക്ടര്‍മാരും അവളുടെ കാര്യത്തില്‍ നെറ്റി ചുളിച്ചു.

മുമ്പ് പലപ്പോഴും അവള്‍ക്ക് മാനസിക അസ്വാസ്ഥ്യങ്ങളുണ്ടായിട്ടുണ്ട്. കുട്ടിത്തം മാറാത്ത വാശിക്കാരിയായിരുന്നു അവള്‍ . ചിലപ്പോഴൊക്കെ അവനോട് പിണങ്ങി അവള്‍ വീട് വിട്ടു പോയി. തന്റെ ഭാര്യയുടെ ഇത്തരം പെരുമാറ്റങ്ങളെ അയാള്‍ വിശേഷിപ്പിച്ചത് കുട്ടിക്കളി എന്നാണ്. വിവാഹസമയത്ത് അവള്‍ക്ക് വയസ് 13, അവനു 25. അധ്യാപകനായിരുന്ന അവന് വിദ്യാര്‍ത്ഥികളുടെ കുരുത്തക്കേട് പുതിയ കഥയായിരുന്നില്ല . കൗമാരത്തിലേക്കു കടക്കുമ്പോഴുള്ള മാറ്റങ്ങളില്‍ കൂടുതലൊന്നും അവന്‍ അവളിലും  കണ്ടില്ല.
പക്ഷെ ഒരു അധ്യാപകന്‍ ചിന്തിക്കുന്നത് പോലെയാവില്ലല്ലോ സമൂഹം ചിന്തിക്കുന്നത്. അവളുടെ ‘മുരടന്‍’ സ്വഭാവം പക്വതയില്ലായ്മയുടെ മാത്രം പ്രശനമായിട്ടല്ല, തികഞ്ഞ അനുസരണക്കേട് കാണിക്കുന്ന വിവാഹിതയായ സ്ത്രീയായിട്ടാണ് അവര്‍ അവളെ കണ്ടത്.അവളെ അനുസരണ പഠിപ്പിക്കണമെന്ന് അയാളെ ഉപദേശിക്കാനും അവര്‍ മറന്നില്ല.അത് മുതല്‍ക്കാണ് അയാള്‍ അവളെ അവഗണിച്ചു തുടങ്ങിയത്.ക്ലാസ്സിലെ കുരുത്തക്കേടുകാരെ അവഗണിക്കും പോലെ അവള്‍ അവിടെയെങ്ങും ഇല്ല എന്ന തരത്തില്‍ അവന്‍ പെരുമാറാന്‍ തുടങ്ങി.
*******
ആശുപത്രിക്കിടക്കയില്‍ മൂകയായിക്കിടക്കുന്ന അവളെ നോക്കി അവന്‍ തേങ്ങിക്കരയുകയായിരുന്നു. അനുസരണക്കേട് കാണിക്കുന്ന, ഊര്‍സ്വലയായ അവളെ തിരിച്ചുകിട്ടാന്‍ അവന്‍ എന്തിനേക്കാളുമേറെ ആശിച്ചു.ഈ ആശുപത്രി വിട്ടു പോകണം. ഡോക്ടറോട് സംസാരിക്കുമ്പോള്‍ മരണമുഖത്ത് ജീവിതത്തിന്റെ മൂല്യത്തെക്കുറിച്ചോര്‍ക്കുകയായിരുന്നു അവന്‍.’ഇനി ഒന്നും ചെയ്യാനില്ല’ ഡോക്ടര്‍ നിസ്സഹായത വ്യക്തമാക്കി. ‘അവള്‍ക്ക് മാനസിക അസ്വസ്ഥതകള്‍ ഉണ്ടെന്നറിയാവുന്ന സ്ഥിതിക്ക് ഒരു മനശാസ്ത്ര വിദഗ്ധനെ കണ്ടു കൂടെ?ഹോസ്പിറ്റലിലെ സൈക്യാട്രിസ്റ്റുമായി ഒരു മീറ്റിംഗ് ആയാലോ?’

‘വേണ്ട സര്‍ , ഞാനെന്റെ ഒരു സുഹൃത്തുമായി മീറ്റിംഗ് ഉറപ്പിച്ചിട്ടുണ്ട്.’
*********
തേങ്ങിക്കൊണ്ടാണ് അവന്‍ എന്നോട് മുഴുവന്‍ കഥയും പറഞ്ഞത്. പ്രശ്‌നത്തിന്റെ വേര് പക്ഷെ അവന്‍ കണ്ടെത്തിയ കുട്ടിത്തത്തില്‍ നിന്നും പക്വതയില്ലായ്മയില്‍ നിന്നും ഏറെ അകലെയായിരുന്നു. കുടുംബത്തിലെ 12 മക്കളില്‍ ഏഴാമത്തവളായിരുന്നു അവള്‍. അവളുടെ മാതാവിന്റെ മരണ ശേഷം പിതാവ് മറ്റൊരു വിവാഹം കഴിച്ചു. വലിയ കുടുംബത്തില്‍ സ്‌നേഹത്തിന്റെ ഇടം അവള്‍ക്ക് കണ്ടെത്താനായില്ല. കൂടുതല്‍ പഠിച്ച് സ്‌കൂളില്‍ തന്റെ ലോകം തീര്‍ക്കാനവള്‍ ആഗ്രഹിച്ചു. എന്നാല്‍ പെണ്‍കുട്ടിയുടെ ജീവിതസാക്ഷാത്കാരം വിവാഹമാണ് എന്ന് വിശ്വസിക്കുന്ന സമൂഹത്തില്‍ അവളെയും കാത്തിരുന്നത് മറ്റൊന്നായിരുന്നില്ല.

******
പക്വമതിയായ ഒരുവളെയാണ് അവന്‍ കാത്തിരുന്നത. ഒരു മാതാവിനെപ്പോലെ അവനെ ശുശ്രൂഷിക്കുന്നവള്‍ . അവളുടെ സ്വപ്നങ്ങളും വ്യത്യസ്തമായിരുന്നില്ല. അവള്‍ക്കായിരുന്നു അവന്റെ ലാളന കൂടുതല്‍ ആവശ്യം. കാരണം ജീവിതത്തില്‍ ഒറ്റപ്പെടുന്ന സാഹചര്യം അയാള്‍ക്ക് മുമ്പുണ്ടായിട്ടില്ല. പൊലിഞ്ഞു തുടങ്ങിയ പ്രതീക്ഷകള്‍ ഏറ്റുമുട്ടാന്‍ തുടങ്ങി. അവന്‍ മുഖം തിരിച്ചപ്പോഴൊക്കെയും മാതാപിതാക്കളാലും സഹോദരങ്ങളാലും അവഗണിക്കപ്പെട്ട അവളുടെ ജീവിതാനുഭവങ്ങള്‍ ആവര്‍ത്തിക്കപ്പെടുകയായിരുന്നു. സങ്കടങ്ങള്‍ ഉള്ളിലൊതുക്കിയ അവള്‍ ജീവിതത്തിലെ ഏറ്റവും മോശമായ വൈകാരിക അവസ്ഥകളിലൂടെയാണ് കടന്നുപോയിക്കൊണ്ടിരിക്കുന്നതെന്ന് പക്ഷെ അവനറിഞ്ഞില്ല. നിരന്തരമായ അവഗണന അവളെ ആശുപത്രിക്കിടക്കയിലെത്തിച്ചു. മനശാസ്ത്രഭാഷയില്‍ schizoid personaltiy adaptation ആണിത്.
******
പേഴ്‌സണാലിറ്റി അഡാപ്‌റ്റേഷന്‍ (വ്യക്തിത്വവുമായി പൊരുത്തപ്പെടുക/അനുകൂലപ്പെടുക) മനശാസ്ത്രത്തിലെ ഒരു സംജ്ഞയാണ്. അതായത് ജീവിതത്തില്‍ അപ്രതീക്ഷിതമായ സാഹചര്യങ്ങള്‍ നേരിടുമ്പോള്‍ ആളുകള്‍ സ്വയം അവര്‍ക്ക് പറ്റിയ പെരുമാറ്റരീതി സ്വീകരിക്കുന്നു. ഇത് ചിലപ്പോള്‍ അവര്‍ക്ക് അനുകൂലമായ ഫലവും ചിലപ്പോള്‍ പ്രതികൂലമായ ഫലവും ചെലുത്താം. ഇങ്ങനെ വരുമ്പോള്‍ പോസിറ്റീവായതിനെ സ്വീകരിച്ച് നെഗറ്റീവായതിനെ കുറച്ചു കൊണ്ടു വരികയാണ് നാം ചെയ്യേണ്ടത്. ഈ കേസില്‍ അവള്‍ സ്വീകരിച്ച സ്വഭാവത്തിന് സ്‌കൈസോയിഡ് പെര്‍സണാലിറ്റി അഡാപ്‌റ്റേഷന്‍(Schizoid personality adaptation) എന്നാണ് പറയുക അതായത് സാഹചര്യങ്ങളും പരിത:സ്ഥിതികളുമായി പെരുത്തപ്പെടാനാവാത്ത, ഭ്രാന്തില്ലാതെ തന്നെ ഭ്രാന്തിന്റെ ലക്ഷണം കാണിക്കുന്ന ആളുടെ സ്വഭാവരീതി. ഇത്തരത്തിലുള്ള സ്വഭാവം സ്വീകരിച്ച ആള്‍ മറ്റു ആളുകളില്‍ നിന്ന് അകന്നു നില്‍ക്കാന്‍ ശ്രമിക്കും. അവര്‍ അവരുടെത് മാത്രമായ ലോകത്തേക്ക് ഒതുങ്ങിപ്പോകാന്‍ ആഗ്രഹിക്കും. അവര്‍ ഒരുപാടു ചിന്തിക്കും. മിക്കവാറും ചിന്തകളില്‍ക്കൂടിയാണവര്‍ കൂടുതലും ആശയവിനിമയം നടത്തുക. എല്ലാറ്റിനും പുറമെ അവര്‍ അവരോടു മാത്രമാണ് സംസാരിക്കുക. അവരുടെ ചിന്തകള്‍ക്കനുസരിച്ചു പ്രവര്‍ത്തിക്കുന്നതിനു പകരം അവര്‍ എല്ലാവരില്‍ നിന്നും അകന്ന് സ്വന്തത്തിലേക്ക് ചുരുങ്ങുന്നതില്‍ സ്‌ന്തോഷം കണ്ടെത്തുന്നുവെന്നതാണ് പ്രശ്‌നം.

എല്ലാ അവസ്ഥകളിലും ഒരു പ്രശ്‌നം വികസിക്കുന്ന മൂന്നു ഘട്ടങ്ങളാണുള്ളത്. ഒന്നാമത്തേ ഘട്ടത്തില്‍ ഇത്തരക്കാര്‍ പ്രതികരണശേഷി നഷ്ടപ്പെട്ടവരായി മാറുന്നു. രണ്ടാമത്തെ ഘട്ടത്തില്‍ ഇവര്‍ ഒന്നും ചെയ്യാനാവാതെ പ്രവര്‍ത്തനരഹിതരാവുന്നു. മൂന്നാമത്തെ ഘട്ടത്തില്‍ അഡാപ്‌റ്റേഷന്‍ പാതോളജി അഥവാ രോഗത്തിന്റെ അവസ്ഥയിലേക്ക് മാറുകയും അവര്‍ക്ക് അവരെത്തന്നെ നിയന്ത്രിക്കാന്‍ കഴിയാതാവുകയും ചെയ്യുന്നു. ഇതില്‍ രണ്ടാമത്തെ ഘട്ടം വരെ ഒരു രോഗനിര്‍ദാരകന് തെറാപ്പിയിലൂടെ പരിഹരിക്കാന്‍ കഴിയും. മൂന്നാമത്തെ ഘട്ടത്തില്‍ അവനോ അവളോ അവരെ നിയന്ത്രിക്കാന്‍ മയക്കുമരുന്നു വേണ്ടി വരുന്നു. ഈ കേസില്‍ അവളുടെ അവസ്ഥയുടെ രൂക്ഷതയാണ് വീടു വിട്ട് ഓടുന്നതിലൂടെ കാണിക്കുന്നത്.

******
തേങ്ങിക്കൊണ്ടാണ് അവന്‍ ആശുപത്രിയിലേക്ക് മടങ്ങിയത്. റൂമില്‍ അവന്റെ മാതാവും അവളുടെ സഹോദരിയുമുണ്ടായിരുന്നു. കവിളില്‍ തലോടിക്കൊണ്ട് അവന്‍ അവളോട് ചേര്‍ന്നിരുന്നു.

Posted in: COUNSELLING

Post a Comment

സംഗീതം

അറബ് പ്രക്ഷോഭങ്ങളും റാപ്പ് സംഗീതവും

അറബ് പ്രക്ഷോഭങ്ങളും റാപ്പ് സംഗീതവും

ഹമ്മാദ ബിന്‍ ഉമറിന്റെ സംഗീത ജീവിതത്തെക്കുറിച്ച് അറബ് ലോകത്തുടനീളം ആഞ്ഞുവീശിയ നോര്‍ത്താഫ്രിക്കന്‍ വിപ്ലവഗാന തരംഗത്തിന് ചുക്കാന്‍ പിടിച്ച ആ ഗായകന് അന്ന് 21 വയസ്സായിരുന്നു പ്രായം. എല്‍ ജനറല്‍ എന്ന പേരിലാണ് റാപ്പ് ലോകത്തും, ആരാധകര്‍ക്കിടയിലും അവന്‍ അറിയപ്പെടുന്നത്. കാഴ്ച്ചയില്‍ പരുക്കനെന്ന് തോന്നുമെങ്കിലും സംസാരത്തില്‍ ആളു വളരെ മാന്യനാണ്. ബോംബര്‍ ജാക്കറ്റും, തുനീഷ്യന്‍ പതാകയും അണിഞ്ഞ് കാഞ്ചിയില്‍ വിരലമര്‍ത്തിയ ഒരു തോക്കുമായി നില്‍ക്കുന്ന രൂപത്തിലാണ് ഫേസ്ബുക്ക് പേജിലെ ഫോട്ടോകളില്‍ മിക്കവാറും പ്രത്യക്ഷപ്പെടാറ്. പക്ഷെ യഥാര്‍ത്ഥത്തില്‍, അവനുമായി അടുത്തിടപഴകിയാല്‍ […]

September 17, 2015 By ദര്‍വീശ്‌ 0 Comments
കോക്ക് സ്റ്റുഡിയോ ഇന്ത്യ: സൂഫീ താരാഘോഷം

കോക്ക് സ്റ്റുഡിയോ ഇന്ത്യ: സൂഫീ താരാഘോഷം

പ്രാദേശിക നാടന്‍ സംഗീതത്തെ പാരമ്പര്യപൗരസ്ത്യ സംഗീതത്തിന്റെയും പാശ്ചാത്യ സംഗീതത്തിന്റെയും മിശ്രിതത്തിലേക്ക് ഇഴചേര്‍ത്ത് കൊണ്ടുള്ള ഉപകരണങ്ങളുടെയും ആലാപനത്തിന്റെയും വൈവിധ്യമായ സംഗീതശാഖകളുടെ സംഗമമാണ് കോക്ക് സ്റ്റുഡിയോ. അത് നിലനില്‍ക്കുന്ന രാജ്യങ്ങളിലെ സാംസ്‌കാരിക  വൈവിധ്യങ്ങളിലേക്ക് ചേര്‍ന്നുനിന്ന്‌ സമാനതകളില്ലാത്ത വേറിട്ടൊരു ശബ്ദം സൃഷ്ടിച്ചെടുക്കാനാണ് കോക്ക് സ്റ്റുഡിയോ ആഗ്രഹിക്കുന്നത്. ദേശത്തിന്റെ സത്തയെ പുനരുദ്ധരിച്ചുകൊണ്ട് മനസ്സുകളെയും ഹൃദയങ്ങളേയും ഉണര്‍ത്തി ആനന്ദം പകരുന്ന ഒന്നാണത്. പാകിസ്ഥാനിലെ സാംസ്‌കാരികാപചയത്തിന്റെ കാലത്താണ് കോക്ക് സ്റ്റുഡിയോ ആവിര്‍ഭവിക്കുന്നത്. 2008 ജൂണ്‍ എട്ടിനാണ് അതിന്റെ ആദ്യ സീസണ്‍ ഒന്നാം എപ്പിസോഡ് അവതരിപ്പിക്കുന്നത്. യൂട്യൂബിലെ ഔദ്യോഗിക […]

October 24, 2014 By 0 Comments
കോക്ക് സ്റ്റൂഡിയോ പാക്കിസ്ഥാന്‍

കോക്ക് സ്റ്റൂഡിയോ പാക്കിസ്ഥാന്‍

നഗരങ്ങളില്‍ പരസ്യപ്പലകകളൊന്നുമില്ല. എന്നാല്‍ കഴിഞ്ഞ നാലുവര്‍ഷമായി ഓരോ കൊല്ലവും പാക്കിസ്ഥാന്റെ നഗരങ്ങളിലെ പരസ്യപ്പലകകളില്‍ കോക്ക് സ്റ്റുഡിയോയുടെ പുതിയ സീസണ്‍ വരുമ്പോള്‍ ആ സീസണില്‍ അവതരിപ്പിക്കുന്ന മുഖ്യകലാകാരന്‍മാരെ പരിചയപ്പെടുത്തുന്ന ആകര്‍ഷകമായ പരസ്യങ്ങള്‍ പ്രത്യക്ഷപ്പെടുന്നു. സീസണ്‍ 5 ന്റെ പരസ്യമാണ് പാക്കിസ്ഥാനിലെ ഏറ്റവും വലിയ പരസ്യം. പുതിയ സീസണിലെ ഒന്നാം എപ്പിസോഡിന്റെ പ്രമോഷനല്‍ വീഡിയോ വെച്ചു നോക്കുകയാണെങ്കില്‍ ഇത് തന്നെയാണ് മറ്റെല്ലാ എപ്പിസോഡിനേക്കാളും മികച്ചതെന്ന് തോന്നും. ഒന്നാമത്തെ എപ്പിസോഡിന്റെ വീഡിയോയില്‍ പ്രത്യക്ഷപ്പെട്ട കലാകാരന്‍ ഒരു റാപ്പര്‍ ആണ്; ബൊഹീമിയ. ഒരു […]

October 1, 2014 By ബിലാല്‍ തന്‍വീര്‍ 0 Comments
vps hosting