banner ad
December 7, 2015 By ഷമീര്‍.കെ.എസ്‌ 0 Comments

മെര്‍നീസി ഉയര്‍ത്തിയ ചോദ്യങ്ങള്‍

fg

ലിംഗസമത്വവുമായി ബന്ധപ്പെട്ട് ഒരു മതപണ്ഡിതന്‍ നടത്തിയ പ്രസ്താവന സാമൂഹിക മാധ്യമങ്ങളില്‍ വലിയ ചര്‍ച്ചയായ സന്ദര്‍ഭത്തിലാണ് ഞാന്‍ ഫാത്തിമ മെര്‍നീസി അന്തരിച്ച വാര്‍ത്ത കേള്‍ക്കാനിടയാകുന്നത്. മെര്‍നീസിയുടെ പുസ്തകങ്ങള്‍ കേരളത്തില്‍ വ്യാപകമായി വായിക്കപ്പെട്ടതാണ്. അവരെഴുതിയ രണ്ട് പുസ്തകങ്ങള്‍ മലയാളത്തിലേക്ക് വിവര്‍ത്തനം ചെയ്യപ്പെട്ടിട്ടുണ്ട് എന്നതാണ് അതിന്റെ കാരണം. The veil and the Male Elite എന്ന പുസ്തകമാണ് അതിലൊന്ന്. മതപരവും സാസംസ്‌കാരികപരവുമായ ചില പ്രധാന പദപ്രയോഗങ്ങള്‍ തെറ്റായി വിവര്‍ത്തനം ചെയ്യപ്പെട്ടതിനാല്‍ ആ പുസ്തകം വിവാദമാവുകയുണ്ടായി. കേരള ഹൈക്കോടതി ആ പുസ്തകം വില്‍ക്കുന്നത് നിരോധിക്കുകയും ചെയ്തു. അതിന് മുമ്പ് ‘അദര്‍ ബുക്‌സിന്റെ നേതൃത്വത്തില്‍ കോഴിക്കോട് ‘മുസ്‌ലിം സ്ത്രീകളും അപരവായനകളും’ എന്ന വിഷയത്തില്‍ ഒരു സംവാദം സംഘടിപ്പിച്ചിരുന്നു. മെര്‍നീസിയുടെ രചനകള്‍ അന്ന് സൂക്ഷ്മമായ വിശകലനത്തിന് വിധേയമാക്കപ്പെടുകയുണ്ടായി. മെര്‍നീസി എഴുതിയ Dreams of Trespass: Tales of a Harem Girlhood എന്ന പുസ്തകം വി.എ കബീര്‍ മലയാളത്തിലേക്ക് വിവര്‍ത്തനം ചെയ്യുകയുണ്ടായി. അതിനാല്‍ തന്നെ കേരളത്തിന് അവരുടെ രചനകള്‍ പരിചിതമാണ്. ആമിന വദൂദ്, അസ്മ ബര്‍ലാസ്, കേഷ്യാ അലി തുടങ്ങിയവരില്‍ നിന്ന് വ്യത്യസ്തമായി ഇസ്‌ലാമിക പാരമ്പര്യത്തെ രൂക്ഷമായ ഭാഷയിലാണ് മെര്‍നീസി വിമര്‍ശിക്കുന്നത്.

‘The Veil and the Male Elite’ എന്ന പുസ്തകത്തില്‍ പ്രവാചകപത്‌നി ഉമ്മുസലമ പ്രവാചകനോട് ഒരു പ്രധാനപ്പെട്ട കാര്യം ചോദിക്കുന്നതായി പറയുന്നുണ്ട്.. ‘ പുരുഷന്‍മാരെക്കുറിച്ച് സംസാരിക്കുന്ന പോലെ എന്ത് കൊണ്ടാണ് ഖുര്‍ആന്‍ സ്തീകളെക്കുറിച്ച് സംസാരിക്കാത്തത്? എന്ന് ഞാനൊരിക്കല്‍ പ്രവാചകനോട് ചോദിച്ചു. ദിവസങ്ങള്‍ക്ക് ശേഷം അദ്ദേഹത്തിന്റെ ഖുത്വുബ ശ്രവിക്കാന്‍ എനിക്കവസരം ലഭിച്ചു. അദ്ദേഹം പറയുകയാണ്: ‘ ജനങ്ങളേ, അല്ലാഹു പറയുന്നു: ‘ അല്ലാഹുവിന് കീഴൊതുങ്ങിയ സ്ത്രീകളും പുരുഷന്‍മാരും, വിശ്വസിച്ച സ്ത്രീകളും പുരുഷന്‍മാരും, അല്ലാഹു അവര്‍ക്ക് മാപ്പ് നല്‍കുകയും വരാനിരിക്കുന്ന ഒരു പ്രതിഫലത്തെക്കുറിച്ച് സന്തോഷവാര്‍ത്ത നല്‍കുകയും ചെയ്തിരിക്കുന്നു.’

മുസ്‌ലിം സമൂഹങ്ങളിലെ സ്ത്രീകളുടെ പങ്കിനെക്കുറിച്ച ചോദ്യങ്ങളുയര്‍ന്ന് വരാന്‍ ഈ ചരിത്ര സംഭവം ഒരു പ്രധാന കാരണമായിരുന്നു. ഈ ഹദീസിന്റെ പ്രസക്തിയെക്കുറിച്ചും സാമൂഹ്യവും ലിംഗപരവുമായ അനീതികളോട് പോരാടേണ്ടതിന്റെ ആവശ്യകതയെക്കുറിച്ചും Women’s readings of the Quran എന്ന ലേഖനത്തില്‍ മെര്‍നീസി സൂചിപ്പിക്കുന്നുണ്ട്. ഈ ഹദീസിനെ മുന്‍നിര്‍ത്തിയുള്ള അവരുടെ വിലയിരുത്തലുകള്‍ ആഴമേറിയതാണ്. ‘ ഉമ്മു സലമയോടുള്ള അല്ലാഹുവിന്റെ മറുപടി വളരെ വ്യക്തമാണ്. വിശ്വാസികളെന്ന നിലക്ക് തുല്യസമത്വമാണ് സ്ത്രീക്കും പുരുഷനും അല്ലാഹു നല്‍കുന്നത്. അല്ലാഹുവിന്റെ പ്രീതിയും പ്രതിഫലവും നേടിയെടുക്കുന്നതില്‍ സ്തീയെന്നോ പുരുഷനെന്നോ ഉള്ള വ്യത്യാസങ്ങളൊന്നും തന്നെയില്ല. വിശ്വാസമാണ് പരമപ്രധാനമായ കാര്യം.’

ചില മുസ്‌ലിം പണ്ഡിതര്‍ ലിംഗ സമത്വത്തെ നിഷേധിക്കുകയും ഇസ്‌ലാമിക പാരമ്പര്യത്തില്‍ ഊന്നി നിന്നുകൊണ്ടുള്ള മുസ്‌ലിം സ്തീകളുടെ വ്യാഖ്യാന സാധ്യതകളെ നിഷേധിക്കുകയും ചെയ്യുന്ന സമകാലീക സന്ദര്‍ഭത്തില്‍ ഉമ്മു സലമയെപ്പോലുള്ള ഒരു ധീര വനിതയെയാണ് നമുക്കാവശ്യം. അതിനാല്‍ തന്നെ മെര്‍നീസിയുടെ വിയോഗം നമ്മെ സംബന്ധിച്ചിടത്തോളം നഷ്ടം തന്നെയാണ്.

 

Posted in: ലേഖനം

Post a Comment

സംഗീതം

അറബ് പ്രക്ഷോഭങ്ങളും റാപ്പ് സംഗീതവും

അറബ് പ്രക്ഷോഭങ്ങളും റാപ്പ് സംഗീതവും

ഹമ്മാദ ബിന്‍ ഉമറിന്റെ സംഗീത ജീവിതത്തെക്കുറിച്ച് അറബ് ലോകത്തുടനീളം ആഞ്ഞുവീശിയ നോര്‍ത്താഫ്രിക്കന്‍ വിപ്ലവഗാന തരംഗത്തിന് ചുക്കാന്‍ പിടിച്ച ആ ഗായകന് അന്ന് 21 വയസ്സായിരുന്നു പ്രായം. എല്‍ ജനറല്‍ എന്ന പേരിലാണ് റാപ്പ് ലോകത്തും, ആരാധകര്‍ക്കിടയിലും അവന്‍ അറിയപ്പെടുന്നത്. കാഴ്ച്ചയില്‍ പരുക്കനെന്ന് തോന്നുമെങ്കിലും സംസാരത്തില്‍ ആളു വളരെ മാന്യനാണ്. ബോംബര്‍ ജാക്കറ്റും, തുനീഷ്യന്‍ പതാകയും അണിഞ്ഞ് കാഞ്ചിയില്‍ വിരലമര്‍ത്തിയ ഒരു തോക്കുമായി നില്‍ക്കുന്ന രൂപത്തിലാണ് ഫേസ്ബുക്ക് പേജിലെ ഫോട്ടോകളില്‍ മിക്കവാറും പ്രത്യക്ഷപ്പെടാറ്. പക്ഷെ യഥാര്‍ത്ഥത്തില്‍, അവനുമായി അടുത്തിടപഴകിയാല്‍ […]

September 17, 2015 By ദര്‍വീശ്‌ 0 Comments
കോക്ക് സ്റ്റുഡിയോ ഇന്ത്യ: സൂഫീ താരാഘോഷം

കോക്ക് സ്റ്റുഡിയോ ഇന്ത്യ: സൂഫീ താരാഘോഷം

പ്രാദേശിക നാടന്‍ സംഗീതത്തെ പാരമ്പര്യപൗരസ്ത്യ സംഗീതത്തിന്റെയും പാശ്ചാത്യ സംഗീതത്തിന്റെയും മിശ്രിതത്തിലേക്ക് ഇഴചേര്‍ത്ത് കൊണ്ടുള്ള ഉപകരണങ്ങളുടെയും ആലാപനത്തിന്റെയും വൈവിധ്യമായ സംഗീതശാഖകളുടെ സംഗമമാണ് കോക്ക് സ്റ്റുഡിയോ. അത് നിലനില്‍ക്കുന്ന രാജ്യങ്ങളിലെ സാംസ്‌കാരിക  വൈവിധ്യങ്ങളിലേക്ക് ചേര്‍ന്നുനിന്ന്‌ സമാനതകളില്ലാത്ത വേറിട്ടൊരു ശബ്ദം സൃഷ്ടിച്ചെടുക്കാനാണ് കോക്ക് സ്റ്റുഡിയോ ആഗ്രഹിക്കുന്നത്. ദേശത്തിന്റെ സത്തയെ പുനരുദ്ധരിച്ചുകൊണ്ട് മനസ്സുകളെയും ഹൃദയങ്ങളേയും ഉണര്‍ത്തി ആനന്ദം പകരുന്ന ഒന്നാണത്. പാകിസ്ഥാനിലെ സാംസ്‌കാരികാപചയത്തിന്റെ കാലത്താണ് കോക്ക് സ്റ്റുഡിയോ ആവിര്‍ഭവിക്കുന്നത്. 2008 ജൂണ്‍ എട്ടിനാണ് അതിന്റെ ആദ്യ സീസണ്‍ ഒന്നാം എപ്പിസോഡ് അവതരിപ്പിക്കുന്നത്. യൂട്യൂബിലെ ഔദ്യോഗിക […]

October 24, 2014 By 0 Comments
കോക്ക് സ്റ്റൂഡിയോ പാക്കിസ്ഥാന്‍

കോക്ക് സ്റ്റൂഡിയോ പാക്കിസ്ഥാന്‍

നഗരങ്ങളില്‍ പരസ്യപ്പലകകളൊന്നുമില്ല. എന്നാല്‍ കഴിഞ്ഞ നാലുവര്‍ഷമായി ഓരോ കൊല്ലവും പാക്കിസ്ഥാന്റെ നഗരങ്ങളിലെ പരസ്യപ്പലകകളില്‍ കോക്ക് സ്റ്റുഡിയോയുടെ പുതിയ സീസണ്‍ വരുമ്പോള്‍ ആ സീസണില്‍ അവതരിപ്പിക്കുന്ന മുഖ്യകലാകാരന്‍മാരെ പരിചയപ്പെടുത്തുന്ന ആകര്‍ഷകമായ പരസ്യങ്ങള്‍ പ്രത്യക്ഷപ്പെടുന്നു. സീസണ്‍ 5 ന്റെ പരസ്യമാണ് പാക്കിസ്ഥാനിലെ ഏറ്റവും വലിയ പരസ്യം. പുതിയ സീസണിലെ ഒന്നാം എപ്പിസോഡിന്റെ പ്രമോഷനല്‍ വീഡിയോ വെച്ചു നോക്കുകയാണെങ്കില്‍ ഇത് തന്നെയാണ് മറ്റെല്ലാ എപ്പിസോഡിനേക്കാളും മികച്ചതെന്ന് തോന്നും. ഒന്നാമത്തെ എപ്പിസോഡിന്റെ വീഡിയോയില്‍ പ്രത്യക്ഷപ്പെട്ട കലാകാരന്‍ ഒരു റാപ്പര്‍ ആണ്; ബൊഹീമിയ. ഒരു […]

October 1, 2014 By ബിലാല്‍ തന്‍വീര്‍ 0 Comments
vps hosting